| Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
| <<Dem. 58.33 | Dem. 58.36 (English) | >>Dem. 58.39 |
58.35κάλει μοι Ἀριστόμαχον Κριτοδήμου Ἀλωπεκῆθεν . οὗτος γὰρ ἔδωκεν , μᾶλλον δʼ ἐν τῇ τούτου οἰκίᾳ ἐδόθη τρίʼ ἡμίμναια τούτῳ τῷ ἀδωροδοκήτῳ ὑπὲρ τοῦ ψηφίσματος ὃ Ἀντιμέδων ἔγραψε τοῖς Τενεδίοις .οὗτος τοίνυν αὐτίκα φήσει διὰ τοῦτο τὴν ἔνδειξιν καθʼ αὑτοῦ γεγονέναι , ἵνα Δημοσθένει μὴ ἐπεξέλθῃ τὴν γραφὴν ἣν ἐγράψατʼ αὐτόν , μηδὲ Θουκυδίδῃ · δεινὸς γάρ ἐστι ψεύσασθαι καὶ μηδὲν ὑγιὲς εἰπεῖν . ἡμεῖς δέ , ὦ ἄνδρες δικασταί , καὶ τοῦτʼ ἐπεσκεψάμεθα , καὶ δείξομεν ὑμῖν οὐδὲν τὴν πόλιν βλαπτομένην , οὔτε μὰ τὸν Δία ἐὰν κύριον γένηται τὸ ψήφισμα τὸ Θουκυδίδου οὔτʼ ἂν ἄκυρον . καίτοι τάς γε τοιαύτας ἀπολογίας οὐ δίκαιόν ἐστι προσφέρειν τοῖς κατὰ τοὺς νόμους ὀμωμοκόσιν δικάσειν · ἀλλʼ ὅμως ἐξ αὐτῆς τῆς γραφῆς αὐτίκα γνώσεσθε διότι πρόφασίς ἐστιν τῆς ἐνδείξεως ἡ γραφή . λέγε τὰς γραφὰς ταύτας .τούτων τῶν ψηφισμάτων , ὦ ἄνδρες δικασταί , ἢ μενόντων κατὰ χώραν ἢ ἁλόντων (οὐδὲν γὰρ ἔμοιγε διαφέρει ) τί ἡ πόλις κερδαίνει ἢ βλάπτεται ; ἐγὼ μὲν γὰρ οὐδὲν οἶμαι . τοὺς γὰρ Αἰνίους φασὶν οὐδὲ προσέχειν τῇ πόλει , τοῦτο δὲ γεγονέναι διὰ Θεοκρίνην τουτονί . συκοφαντούμενοι γὰρ ἐν ἐκείνοις τοῖς χρόνοις ὑπὸ τούτου , ἐν οἷς οἱ μὲν ἐφιλίππιζον , οἱ δʼ ἠττίκιζον αὐτῶν , καὶ πυνθανόμενοι γεγράφθαι τὸ ψήφισμα παρανόμων ὃ Χαρῖνος πρότερον ἐγράψατο , τοῦτο τὸ περὶ τῆς συντάξεως , ὃ Θουκυδίδης εἶπε , καὶ πέρας τῶν πραγμάτων οὐδὲν γιγνόμενον ,
Μαρτυρία
Μαρτυρίαι
58.36
Γραφαί
58.37
| Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
| <<Dem. 58.33 | Dem. 58.36 (English) | >>Dem. 58.39 |
